Версия для слабовидящих
Главная

Комитет по национальной политике и связям с общественностью Республики Алтай


 

Јарлу јерлежистиҥ юбилейлик јайаан эҥири ӧдӧр

Јарлу јерлежистиҥ юбилейлик јайаан эҥири ӧдӧр

     Ӱлӱрген айдыҥ 7-чи кӱнинде П.В. Кучияктыҥ адыла адалган республикан эл театрда РСФСР-дыҥ нерелӱ артизи Карагыс Ялбакованыҥ 70 јажына учурлалган юбилейлик јайаан эҥир ӧдӧр.
Ойын-концертте Барнаулдаҥ «Сибирь» деп государственный оркестр, бијениҥ «Алтам» театры ла Алтай Республиканыҥ кеендигиниҥ устары туружар.
     Елизавета (Карагыс) Ялбакова 1946 јылдыҥ јаан изӱ айыныҥ 9-чы кӱнинде Оҥдой аймактыҥ Шибе јуртында чыккан. Ол 1967 јылда культураныҥ Москвадагы государственный институдыныҥ дирижерско-хоровой факультедин ӱренип божоткон, 1971 јылда эстрадалык кеендиктиҥ Бастырасоюзный мастерскойында ӱренген.
     Карагыс Ялбакова Туулу Алтайдыҥ Андрей Анохиндий, Борис Шульгиндий, Александр Тозыяковтый, Владимир Хохолковтый кӱӱ чӱмдеечилериниҥ кожоҥдорын кожоҥдогон баштапкы кожоҥчы болуп јат.
     Ол «Сибирь» оркестрле, анайда ок Новосибирскте радионыҥ ла телекӧрӱлтениҥ оркестриле кожо кожоҥдор бичип, ойын-концертле Сибирьдиҥ калаларыла јорыктаган, албатылар ортодогы конкурстарда, Польшада, Бельгияда, Вьетнамда, Люксембургта, Турцияда ӧткӧн фестивальдарда турушкан.
     Карагыс Ялбакова «Кӱндӱниҥ темдегиле» кайралдаткан, ол РСФСР-дыҥ нерелӱ артизи болуп јат. Бу керегинде АР-дыҥ культура министерствозыныҥ пресс-службазы јетирет.

Возврат к списку